Միացեալ Նահանգներու նախագահ Տանըլտ Թրամփ յայտարարած է, թէ կրնայ չմասնակցիլ «Քսաններու խմբակ»-ի յառաջիկայ վեհաժողովին, որ նախատեսուած է նոյեմբերին հարաւային Ափրիկէի մէջ, եւ փոխարէնը կրնայ ուրիշ անձ մը ուղարկել` ներկայացնելու Միացեալ Նահանգները:
Թրամփ իբրեւ պատճառ նշած է Հարաւային Ափրիկէի «վատ քաղաքականութիւնը»:
Թրամփ բազմիցս քննադատած է Հարաւային Ափրիկէի թէ՛ ներքին, թէ՛ ալ արտաքին քաղաքականութիւնը:
Ան մասնաւորաբար դէմ է երկրի հողային քաղաքականութեան, ինչպէս նաեւ` Կազայի պատերազմին ընթացքին Իսրայէլին ներկայացուած ցեղասպանութեան մեղադրանքին:
Թրամփ փետրուարին հրամանագիր ստորագրած էր` կրճատելու Միացեալ Նահանգներու Հարաւային Ափրիկէին ելեւմտական աջակցութիւնը: