ԱՄՆ նախագահ Դոնալդ Թրամփի որդին՝ Էրիկ Թրամփը, չի բացառել, որ ապագայում կարող է առաջադրվել ԱՄՆ նախագահի պաշտոնում։ Այս մասին նա հայտարարել է ճապոնական Nikkei թերթին տված հարցազրույցում:
«Ես չեմ ասում «ոչ», բայց նաև չեմ ասում «այո», – մեջբերում է թերթը նրա խոսքերը։
Ինչպես նշում է թերթը, Էրիկ Թրամփը նշել է, որ «երբեք չի բացառում դա», բայց խոստովանել է, որ իրեն դուր է գալիս բիզնես աշխարհը։
Էրիկ Թրամփը ղեկավարում է World Liberty Financial կրիպտոարժույթային ընկերությունը։
ԱՄՆ նախագահ Դոնալդ Թրամփն ինքը օգոստոսի 5-ին հայտարարել է, որ «ամենայն հավանականությամբ» այլևս չի մասնակցի նախագահական ընտրություններին։ ԱՄՆ Սահմանադրությունն արգելում է նույն անձին պետության ղեկավարի պաշտոնում երկու անգամից ավելի ընտրվելը։ Չնայած դրան, նա բազմիցս հրապարակավ հայտարարել է, որ որոշակի պայմաններում չի բացառում պետության ղեկավարի պաշտոնում երրորդ անգամ առաջադրվելու հնարավորությունը։