Աֆղանստանի Ջալալաբադ քաղաքի մոտակայքում տեղի է ունեցել 6.2 մագնիտուդով երկրաշարժ:
Այս մասին հայտնում է Եվրոպական միջերկրածովյան սեյսմոլոգիական կենտրոնը:
Երկրաշարժը գրանցվել է Ջալալաբադ քաղաքից 57 կիլոմետր հյուսիս-արևելք, որի բնակչությունը կազմում է ավելի քան 200,000 մարդ: Երկրաշարժը տեղի է ունեցել 35 կիլոմետր խորության վրա:
Ֆրանս Պրես գործակալությունը հաղորդում է, որ երկրաշարժի հետևանքով զոհվել է 250 մարդ: Կա մոտ 500 վիրավոր: Զոհերի և վիրավորների թիվը կարող է աճել: