Ադրբեջանի արտգործնախարար Ջեյհուն Բայրամովն ընդունել է ԱՄՆ Պետքարտուղարության Եվրոպայի և Եվրասիայի հարցերով բյուրոյի ավագ խորհրդական Ուայեթ Թոլքինին և Ադրբեջանում ԱՄՆ գործերի ժամանակավոր հավատարմատար Էմի Կարլսոնին։
Հանդիպմանը քննարկվել են են Հայաստանի և Ադրբեջանի միջև հարաբերությունների կարգավորման գործընթացը, Վաշինգտոնյան համաձայնագրերի իրականացումը, Ադրբեջանի և ԱՄՆ-ի միջև հարաբերությունները, ռազմավարական գործընկերության մասին խարտիա պատրաստելու համար ռազմավարական աշխատանքային խմբի ստեղծման վերաբերյալ փոխըմբռնման հուշագրի, ինչպես նաև տարածաշրջանային և միջազգային անվտանգության վերաբերյալ հարցեր։