Գերմանիայի արտաքին գործերի նախարար Յոհան Վադեֆուլը կողմ է Գերմանիայում պարտադիր զինվորական ծառայության անհապաղ վերականգնմանը։ Նա այս մասին հայտարարել է Funke մեդիա խմբին տված հարցազրույցում։
«Ես կողմ եմ պարտադիր զինվորական ծառայության անհապաղ ներդրմանը», -ասել է արտգործնախարարը։ Նա նշել է, որ արդեն բազմիցս խոսել է այդ մասին։
«Այնուամենայնիվ, մենք ստիպված ենք այս հարցը քննարկել միմյանց հետ կոալիցիայի շրջանակներում։ Կառավարությունը ներկայացրել է առաջարկներ, և հիմա խմբակցությունները պետք է բանակցեն և որոշեն օրենքի ձևը։ Եվ, իհարկե, պետք է հաշվի առնվեն բոլոր հանգամանքները», – ասել էՈւեյդեֆուլը։
Բունդեսթագը, ինչպես սպասվում է, հաջորդ շաբաթ կսկսի Գերմանիայում նոր զինվորական ծառայության մոդելի մասին օրենքի նախագծի վերաբերյալ իր առաջին քննարկումը: Գերմանիայի պաշտպանության նախարարությունը նպատակ ունի Բունդեսվերի թվաքանակը հասցնել 260,000 ակտիվ անձնակազմի, իսկ պահեստազորը՝ 200,000-ի: