1 հոկտեմբերի 2025 – 12:47 AMT
PanARMENIAN.Net – Առողջապահության նախարար Անահիտ Ավանեսյանը լրագրողների հետ զրույցում նշել է, որ որևէ բուժհաստատության փակման մասին խոսք չկա։
«Որևէ բժշկական կենտրոն չի փակվելու, մարզային բոլոր ԲԿ-ները շարունակելու են գործել իրենց տեղերում»․ նշել է նախարարը, հայտնում է Aysor.am-ը։
Նրա խոսքով՝ մարզային բժշկական կենտրոնները պետք է լիովին վերազինվեն՝ համաձայն մաստեր պլանի։
«Առաջիկայում նախատեսում ենք ընդլայնել մամոգրաֆիկ ծառայությունների մատուցումը մարզերում»,– հավելել է Ավանեսյանը։
Նախարարն ընդգծել է, որ իրենց կողմից տրված խոստման համաձայն, առնվազն 50 բուժհաստատություն նախատեսվում է կառուցել, վերակառուցել կամ արդիականացնել։