Համասը դանդաղում է արձագանքել Թրամփի ծրագրին։
Համասի ղեկավարությունը, հավանաբար, չի մերժի Թրամփի առաջարկած Մերձավոր Արևելքի հակամարտության լուծման ծրագիրը, սակայն կարող է հետաձգել իր պաշտոնական արձագանքը, հաղորդում է The National-ը։
Բանակցություններին մոտ կանգնած միջնորդների խոսքով՝ խումբը հույս ունի փոփոխություններ կատարել ամերիկյան նախաձեռնության մեջ։
Համասը դժգոհ է ծրագրի այն դրույթներից, որոնք պահանջում են զենքը վայր դնել և դադարեցնել զենքի արտադրության կենտրոնների և ստորգետնյա թունելների օգտագործումը։ Դրա փոխարեն շարժումն առաջարկում է իր զենքը հանձնել արաբ դիտորդներին՝ անվտանգության համար։
Ըստ աղբյուրների՝ ղեկավարությունը պատրաստ է թույլ տալ Իսրայելին պահպանել անվտանգ սահմանային գոտի Գազայի ներսում, բայց պնդում է իսրայելական զորքերի դուրսբերման և տարածքի անվտանգության ապահովման գործում նրանց դերի վերացման վրա։
Համասը նաև քննադատում է ծրագրի ժամկետները։ Ըստ աղբյուրների՝ որոշ դրույթներ թույլ են տալիս Իսրայելին հետաձգել գործընթացը կամ հրաժարվել դրանից։