Գերմանիայի կանցլեր Ֆրիդրիխ Մերցի Թուրքիա կատարած այցի ժամանակ նրա և նախագահ Ռեջեփ Թայիփ Էրդողանի միջև բաց վեճ է ծագել։ Հարցը Գազայում տիրող իրավիճակն էր և Իսրայելի գործողությունները Համասի հետ հակամարտության մեջ։ Համատեղ մամուլի ասուլիսի ժամանակ լրագրողը Մերցից հարցրեց Գերմանիայի կողմից Իսրայելին ցուցաբերվող աջակցության մասին՝ այն կապելով Գերմանիայի նացիստական անցյալի հետ։
«Չե՞ք վախենում, որ պատմությունը կրկին կդատապարտի ձեզ սխալ կողմում լինելու համար»։
Կանցլերը պատասխանել է, որ Գերմանիան միշտ աջակցում է Իսրայելին և հրեա ժողովրդին, բայց հավանություն չի տալիս Իսրայելի կառավարության յուրաքանչյուր գործողությանը։ Էրդողանը հայտարարեց, որ չի կարող համաձայնվել Մերցի հետ և Իսրայելի գործողությունները անվանեց ցեղասպանություն։
«Այն, ինչ իսրայելական զինվորականները անում են Գազայում, պատերազմ չէ, այլ ցեղասպանություն։ Նրանք ոչնչացնում են ընտանիքների, երեխաների, կանանց։ Սպանվել է ավելի քան 60,000 երեխա, կին և տարեց մարդ», – ընդգծել է Թուրքիայի նախագահը և հավելել. «Դուք՝ որպես Գերմանիա, սա չե՞ք տեսնում»։