31.10.2025 | 21:59
Խնդրեցե՛ք Աստծուց, և նա կտա ձեզ,
Փնտրեցե՛ք և կգտնեք, բախեցե՛ք և
կբացվի ձեր առաջ (Մատթեոս 7. 7):
Սիրելի՛ Տեր, ուրախությունն այն պատգամաբերն է,
որ մեր աղոթքները Քեզ է հասցնում:
Աղոթքը կարող է լինել խունկի նման վեր բարձրացող, կարող է լինել նաև` մշուշի նման ցած սահող, որ հողին կառչած լինելով` չունի կարողություն սավառնումի:
Ամենատես աչքը, ամեն ինչ ունկնդրողը` լսում ու ճանաչում է վեր ելնող աղոթքի ամեն մի ելևէջ:
Սակայն ճշմարիտ հավատքի աղոթքը` տեսնող, զգացող ու սիրող սրտի ուրախության աղոթքն է, որ ողջունելու համար վեր է ձգվում` վստահ, որ ուրախ պատասխան կստանա: