https://arm.sputniknews.ru/20251101/vostikanutjan-gvardian-gvortsarkvec–pashinjany-khvosel-e-uzh-kirarelu-karevvorutjan-masin-95344016.html
Ոստիկանության գվարդիան գործարկվեց. Փաշինյանը խոսել է ուժ կիրառելու կարևորության մասին
Ոստիկանության գվարդիան գործարկվեց. Փաշինյանը խոսել է ուժ կիրառելու կարևորության մասին
Sputnik Արմենիա
Ըստ վարչապետի՝ եթե չունենանք այնպիսի ուժային կառույցներ, որոնք ի վիճակի են անհրաժեշտության դեպքում ուժ կիրառել, երկրում իրավակարգ պարզապես հնարավոր չէ։ 01.11.2025, Sputnik Արմենիա
2025-11-01T13:35+0400
2025-11-01T13:35+0400
2025-11-01T13:35+0400
հայաստան
նիկոլ փաշինյան
https://cdn.am.sputniknews.ru/img/07e9/0b/01/95343828_0:0:1280:720_1920x0_80_0_0_954c96d486c474864038b22a8c9e90f1.jpg
ԵՐԵՎԱՆ, 1 նոյեմբերի – Sputnik․ Այսօր Հայաստանի Հանրապետությունում պաշտոնապես գործարկվեց ՆԳՆ ոստիկանության գվարդիան։ Նոր ստորաբաժանման կազմավորման նվիրված շրջայց-միջոցառմանը մասնակցել են ՀՀ վարչապետ Նիկոլ Փաշինյանը, ՆԳ նախարար Արփինե Սարգսյանը, կառավարության անդամներ, ԱԺ պատգամավորներ, ՀՀ-ում հավատարմագրված դեսպաններ։«Մեր ակնկալիքն է, որ ոստիկանության գվարդիան լինի որակական նոր ծառայություն և՛ Հայաստանի Հանրապետության, և՛ քաղաքացիների, և՛ հենց իրենց՝ ծառայողների համար»,- իր ողջույնի խոսքում ասել է վարչապետը։Նա ընդգծել է, որ բարեփոխումը մի բան է, որը երբեք չի ավարտվում։Ըստ Փաշինյանի` սա կարևոր մի փուլ է ոստիկանության և առհասարակ ՆԳՆ համակարգի բարեփոխումների համար։ Միաժամանակ ընդգծել է, որ բարեփոխումներն ամփոփելու և ավարտելու մասին բոլոր մտածումներն ու պատկերացումներն անպատեհ են, քանի որ երբ արձանագրեն՝ բարեփոխումն ավարտել են, ուրեմն սկսել են հետընթաց։Իր խոսքում վարչապետը խոսել է նաև ուժի կիրառման կարևորության մասին՝ ընդգծելով, որ բոլոր կողմերի համար պետք է թափանցիկ լինի, թե երբ կարելի է այն կիրառել։«Քաղաքացիների համար պետք է թափանցիկ լինի, թե որ դեպքում ոստիկանության գվարդիան կարող է ուժ կիրառել։ Ոստիկանության ծառայողի համար էլ դա պետք է թափանցիկ լինի, պետք է հասկանա՝ որն է ուժի կիրառման իրադրությունը, որ իր մեջ էլ մտավախություն կամ հարց չլինի՝ համաձայն օրենքի՞ է գործում, թե՞ ոչ։ Սա ճանապարհ է, որը մենք պետք է անցնենք։ Մեր կանխավարկածն այն է, որ ՀՀ-ում ուժ կա՛մ չպետք է կիրառվի, կա՛մ դա պետք է տեղի ունենա չափազանց հազվադեպ։ Բայց հավատացեք` եթե չլինի ոստիկանության գվարդիա և առհասարակ ուժային կառույցներ, որն ի վիճակի է անհրաժեշտության դեպքում նաև ուժ կիրառել, այդ դեպքում երկրում իրավակարգ պարզապես հնարավոր չէ»,- ասել է Փաշինյանը։
2025
Լուրեր
am_HY
Հայաստանում գործարկվել է ոստիկանության գվարդիան. Նիկոլ Փաշինյանը խոսել է ուժ կիրառելու կարևորության մասին
Sputnik Արմենիա
Հայաստանում գործարկվել է ոստիկանության գվարդիան. Նիկոլ Փաշինյանը խոսել է ուժ կիրառելու կարևորության մասին
2025-11-01T13:35+0400
true
PT2M45S
https://cdn.am.sputniknews.ru/img/07e9/0b/01/95343828_312:0:1272:720_1920x0_80_0_0_bbe898fabf0c3e964ad646eb4910a2ec.jpg
հայաստան, նիկոլ փաշինյան, видео
հայաստան, նիկոլ փաշինյան, видео
Ըստ վարչապետի՝ եթե չունենանք այնպիսի ուժային կառույցներ, որոնք ի վիճակի են անհրաժեշտության դեպքում ուժ կիրառել, երկրում իրավակարգ պարզապես հնարավոր չէ։
ԵՐԵՎԱՆ, 1 նոյեմբերի – Sputnik․ Այսօր Հայաստանի Հանրապետությունում պաշտոնապես գործարկվեց ՆԳՆ ոստիկանության գվարդիան։ Նոր ստորաբաժանման կազմավորման նվիրված շրջայց-միջոցառմանը մասնակցել են ՀՀ վարչապետ Նիկոլ Փաշինյանը, ՆԳ նախարար Արփինե Սարգսյանը, կառավարության անդամներ, ԱԺ պատգամավորներ, ՀՀ-ում հավատարմագրված դեսպաններ։
«Մեր ակնկալիքն է, որ ոստիկանության գվարդիան լինի որակական նոր ծառայություն և՛ Հայաստանի Հանրապետության, և՛ քաղաքացիների, և՛ հենց իրենց՝ ծառայողների համար»,- իր ողջույնի խոսքում ասել է վարչապետը։
Նա ընդգծել է, որ բարեփոխումը մի բան է, որը երբեք չի ավարտվում։
Ըստ Փաշինյանի` սա կարևոր մի փուլ է ոստիկանության և առհասարակ ՆԳՆ համակարգի բարեփոխումների համար։ Միաժամանակ ընդգծել է, որ բարեփոխումներն ամփոփելու և ավարտելու մասին բոլոր մտածումներն ու պատկերացումներն անպատեհ են, քանի որ երբ արձանագրեն՝ բարեփոխումն ավարտել են, ուրեմն սկսել են հետընթաց։
Իր խոսքում վարչապետը խոսել է նաև ուժի կիրառման կարևորության մասին՝ ընդգծելով, որ բոլոր կողմերի համար պետք է թափանցիկ լինի, թե երբ կարելի է այն կիրառել։
«Քաղաքացիների համար պետք է թափանցիկ լինի, թե որ դեպքում ոստիկանության գվարդիան կարող է ուժ կիրառել։ Ոստիկանության ծառայողի համար էլ դա պետք է թափանցիկ լինի, պետք է հասկանա՝ որն է ուժի կիրառման իրադրությունը, որ իր մեջ էլ մտավախություն կամ հարց չլինի՝ համաձայն օրենքի՞ է գործում, թե՞ ոչ։ Սա ճանապարհ է, որը մենք պետք է անցնենք։ Մեր կանխավարկածն այն է, որ ՀՀ-ում ուժ կա՛մ չպետք է կիրառվի, կա՛մ դա պետք է տեղի ունենա չափազանց հազվադեպ։ Բայց հավատացեք` եթե չլինի ոստիկանության գվարդիա և առհասարակ ուժային կառույցներ, որն ի վիճակի է անհրաժեշտության դեպքում նաև ուժ կիրառել, այդ դեպքում երկրում իրավակարգ պարզապես հնարավոր չէ»,- ասել է Փաշինյանը։