ԱՄՆ Կոնգրեսի հանձնաժողովի այն անդամները, որոնք հետաքննում են սեռական հանցագործության համար դատապարտված Ջեֆրի Էփշթեյնի գործը, կոչ են արել Էնդրու Մաունթբեթթեն-Վինդզորին պատասխան տալ նրա հետ իր կապերի վերաբերյալ։
Անգլիայի թագավոր Չարլզը հոկտեմբերի 30-ին զրկել էր իր եղբորը «իշխանական» տիտղոսից մի քանի ամիս շարունակված ճնշումներից հետո, որոնք կապված էին Էնդրուի կապին Էփշթեյնի գործի շուրջ։ Էնդրուն մշտապես հերքել է որևէ անօրինական գործողություն։
ԱՄՆ Ներկայացուցիչների պալատի վերահսկողության կոմիտեի առնվազն չորս դեմոկրատ անդամներ կրկին կոչ են արել Էնդրուին վկայություն տալ, թեև հանձնաժողովը վերահսկվում է հանրապետականների կողմից, որոնք դեռևս չեն հայտնել՝ կաջակցեն այդ նախաձեռնությանը, թե ոչ։
Կոնգրեսական Սուհաս Սուբրամանյամը BBC-ին ասել է, որ Էնդրուն կարող է ցուցմունք տալ հեռավար ձևով, ունենալ փաստաբան իր կողքին և խոսել հանձնաժողովի հետ փակ ձևաչափով։
«Իրականում, զոհերի պատմություններում Էնդրուի անունը հաճախ է հնչել», – ասել է Սուբրամանյամը:
Էնդրյուն դեռևս 2011 թվականից աստիճանաբար զրկվել էր բոլոր պաշտոնական դերերից։ 2022-ին նրան զրկել էին զինվորական կոչումներից և բարեգործական կազմակերպությունների հովանավորությունից՝ սեռական չարաշահումների մեղադրանքների ֆոնին, որոնք նա հերքում է։ Ավելի վաղ լրատվամիջոցներում հրապարակվել էր 2011 թվականի նամակագրություն Էնդրյուի և Էփշտեյնի միջև, որտեղ դուքսն առաջարկում էր «պահել կապը» և «նորից հանդիպել»։
