Ռուսաստանը ներկայումս մշակում է Ադրբեջանի միջոցով Հայաստան ապրանքներ արտահանելու հայտերը։ Այս մասին նոյեմբերի 6-ին լրագրողների հետ կայացած զրույցում հայտարարել է ՀՀ վարչապետ Նիկոլ Փաշինյանը, հաղորդում է NEWS-ը:
Նրա խոսքով, ղազախական ցորենը դեռ չի հասել Հայաստան, սակայն արդեն տեղի է ունենում հոսքերի վերաուղղորդում՝ ապրանքները Ադրբեջանի տարանցիկ ճանապարհով երկիր ներմուծելու նպատակով։ «Մինչ ղազախական ցորենը կհասնի Հայաստան, մեր երկիր կարող են հասնել նոր բեռներ, իրավիճակը մշտապես փոխվում է, ներկայացվում են նոր հայտեր»,- նշել է նա։
Փաշինյանը կարևոր է համարել պարզաբանել, թե ինչպես են ապրանքները գնալու հակառակ ուղղությամբ, այսինքն՝ Հայաստանից դեպի Ռուսաստան կամ այլ երկրներ՝ Վրաստանի և Ադրբեջանի միջոցով։
Նրա գնահատմամբ, մեծ իրադարձություն է տեղի ունեցել։ «Կրկին հաստատում եմ, որ մենք պատրաստ ենք ապահովել թուրքական և ադրբեջանական բեռնատարների անցումը Մարգարա – Կոռնիձոր երթուղով՝ Թուրքիայից Ադրբեջան և հակառակ ուղղությամբ», – ընդգծել է Նիկոլ Փաշինյանը։