ՀՀ ՏԿԵ նախարար Դավիթ Խուդաթյանն ընդունել է Հայաստանում ՄԱԿ-ի մանկական հիմնադրամի ներկայացուցիչ Քրիստինե Վայգանդի գլխավորած պատվիրակությանը։
Ինչպես հայտնում են նախարարությունից, նախարարը ողջունել է հյուրերին և կարևորել ՏԿԵ նախարարության և ՅՈՒՆԻՍԵՖ-ի միջև ձևավորված արդյունավետ և շարունակական համագործակցությունը։
Խուդաթյանն ընդգծել է, որ այն ուղղությունները, որոնցով ՀՀ կառավարությունն աշխատում է ՅՈՒՆԻՍԵՖ-ի հետ, շատ կարևոր են, և Հայաստանը պատրաստակամ է շարունակել աշխատել հաջորդ հնգամյա ծրագրի շրջանակներում ևս։
Հանդիպման ընթացքում անդրադարձ է կատարվել նաև աղետների ռիսկերի նվազեցման ուղղությամբ տարվող աշխատանքներին։
Նախարարը կարևորել է այդ ուղղությամբ համայնքներում տարվող աշխատանքները։
«Հայկական Ժամանակ»-ը Telegram-ում
Տպել
60 դիտում