Նիկոլ Փաշինյանի այս տարվա առաջին մամուլի ասուլիսը 4,5 ժամ է ձգվել: Հնչել են բավականին սուր հարցեր և զուտ փաշինյանական պատասխաններ: Հին երգերը՝ նոր գործիքավորմամբ. «Արցախը նախկիններն են հանձնել»: Իսկ ինքը հանձնող չէ, Մեղրին կրծքով է պաշտպանում: Ու ոչինչ, որ ադրբեջանցիների ասած «Զանգեզուրի միջանցքը» գրեթե նույնն է, ինչ Փաշինյանի առաջարկած «անխոչընդոտ», պարզեցված ընթացակարգով հաղորդակցությունը՝ Ադրբեջանի հիմնական մասի ու Նախիջևանի միջև: