Ամերիկյան Ֆիլադելֆիա քաղաքում փոքր ինքնաթիռ է կործանվել՝ ընկնելով բնակելի շենքերի վրա, որոնք հրդեհվել են, հայտնում է CBS-ը։
«Արտակարգ իրավիճակների բրիգադները արձագանքում են Ֆիլադելֆիայի հյուսիս-արևելքում տեղի ունեցած պայթյունին այն բանից հետո, երբ փոքր ինքնաթիռը կործանվել է Ռուզվելտ բուլվարի և Քոթման պողոտայի տարածքում»,- ասվում է հաղորդագրության մեջ։
Fox News-ի տվյալներով՝ խոսքը Lear 55 բժշկական ինքնաթիռի մասին է, որը օդ է բարձրացել տեղի օդանավակայանից կործանումից կես րոպե առաջ։ Ինքնաթիռում եղել է վեց մարդ՝ երկու օդաչու, երկու բժիշկ, մեկ հիվանդ և նրա բարեկամը։