Հանրապետութեան նախագահ Ժոզեֆ Աուն երէկ մեկնեցաւ Արաբական Միացեալ Էմիրութիւններ, ուր հանդիպում ունեցաւ երկրի նախագահ շէյխ Մոհամետ պըն Զայետ Ալ Նահիանի հետ:
Պըն Զայետ Արաբական Միացեալ Էմիրութիւններու Լիբանանի պետութեան հաստատութիւններուն եւ գերիշխանութեան, անվտանգութեան ու կայունութեան պահպանման դերակատարութեան, ինչպէս նաեւ Լիբանանի միութեան ու տարածքային ամբողջականութեան աջակցելու դիրքորոշումը վերահաստատեց:
Երկու կողմերը քննարկեցին հասարակաց հետաքրքրութիւն եղող շարք մը շրջանային եւ միջազգային թղթածրարներ, ինչպէս նաեւ անոնց շուրջ տեսակէտներու փոխանակում կատարեցին` ընդգծելով շրջանին մէջ կայունութիւն ու խաղաղութիւն հաստատելու համար աշխատանք տանելու անհրաժեշտութիւնը:
«Պէյրութի մէջ Արաբական Միացեալ Էմիրութիւններու դեսպանատան վերաբացումը Էմիրութիւններուն Լիբանանին աջակցելու յանձնառութեան մարմնաւորումն է», ըսաւ շէյխ Մոհամետ Պըն Զայետ: