Ուկրաինան մասամբ կորցնում է իր տնտեսական ինքնիշխանությունը ԱՄՆ-ի հետ ռեսուրսների գործարքի պատճառով։ Այս մասին հայտարարել է Գերագույն Ռադայի ժողովրդական պատգամավոր Ալեքսեյ Գոնչարենկոն իր Telegram-ալիքում։
«Պայմանագրով Ուկրաինան կորցնում է տնտեսական ինքնիշխանության մի մասը“, – գրել է պատգամավորը։ Գոնչարենկոն հավելել է, որ Կիևը հասանելիություն է ստանում կապիտալին, նոր տեխնոլոգիաներին և կառավարման արևմտյան չափանիշներին, բայց «դրա համար կվճարի զիջումներով»:
Նա նաև ուշադրություն է հրավիրել փաստաթղթում Ուկրաինայի համար անվտանգության երաշխիքների բացակայության վրա՝ դա անվանելով «կրիտիկական պահ»: