Առողջապահության նախարար Անահիտ Ավանեսյանն այսօր հանդիպել է ցրված սկլերոզ ախտորոշումն ունեցող պացիենտների հետ:
Առողջապահության նախարարությունից տեղեկացնում են, որ մեկ տարի է արդեն, ինչ պետության կողմից տրամադրվում է այս հիվանդության համար չորս անվանում դեղ` հիվանդության չորս փուլերի համար:
Դեղը բավականին թանկարժեք էր, պացիենտների համար մեծ խնդիր էր ներկայացնում` մեծ մասի մոտ տարեկան 5.5 մլն դրամ:
430 պացիենտ այսօր ստանում է նոր և թանկարժեք դեղերն` անվճար: