Սուրիոյ հարցով ամերիկացի պատուիրակ, Թուրքիոյ մէջ Միացեալ Նահանգներու դեսպան Թամ Պարրաք յայտնեց. «Պատերազմէն ետք Իսրայէլի հետ խաղաղութեան համաձայնութիւնները Սուրիոյ եւ Լիբանանի համար այլեւս անհրաժեշտ դարձած են»: Այս մասին հաղորդեց ԱՖՓ լրատու գործակալութիւնը:
Պարրաք թրքական պետական «Անատոլու» լրատու գործակալութեան հետ հարցազրոյցի ընթացքին ըսաւ. «Սուրիոյ նախագահ Պաշշար Ասատ նշեց, թէ Իսրայէլը չ՛ատեր եւ այդ սահմանին վրայ խաղաղութիւն կ՛ուզէ: Կը կարծեմ, որ ատիկա նաեւ Լիբանանի հետ տեղի պիտի ունենայ: Իսրայէլի հետ համաձայնութիւն մը անհրաժեշտ բան է»:
«Իրանի եւ Իսրայէլի միջեւ պատերազմը Միջին Արեւելքի մէջ նոր ճամբայ կը հարթէ», շեշտեց ամերիկացի պատուիրակը: