Քանատայի վարչապետ Մարք Քառնի յայտարարեց, թէ իր երկիրը մտադիր է յառաջիկայ սեպտեմբերի ընթացքին ՄԱԿ-ի մէջ պաղեստինեան պետութիւնը ճանչնալու:
Քառնի լրագրողներու յայտնեց, թէ այս քայլը պայմանաւորեալ է պաղեստինեան իշխանութեան յանձնառութեամբը այն բարեկարգումներուն, որոնք կը ներառեն կառավարութեան արմատական բարեկարգում, ինչպէս նաեւ 2026 թուականին կազմակերպելով Համասի մասնակցութիւնը բացառող ընտրութիւններու կայացումով:
Միացեալ Նահանգներու նախագահ Տանըլտ Թրամփ յայտնեց. «Քանատան քիչ առաջ յայտարարեց, թէ պաղեստինեան պետութեան հաստատման կը զօրակցի, եւ ատիկա մեզի համար շատ կը դժուարացնէ անոր հետ առեւտրական գործարք կնքելը»:
Փորթուգալի վարչապետ Լուիս Մոնթենեկրօ իր կարգին յայտարարեց. «Փորթուգալը մտադիր է սեպտեմբերին ճանչնալ Պաղեստինի պետութիւնը»:
Գերմանիոյ արտաքին գործոց նախարար Եոհան Վատեֆուլ նշեց, թէ պաղեստինեան պետութեան ճանաչումը երկու պետութիւններ սկզբունքով բանակցութիւններուն աւարտին աւելի օգտաշատ պիտի ըլլայ, սակայն հոլովոյթը հիմա պէտք է սկսի` զգուշացնելով, որ Պերլին «միակողմանի քայլերով» պիտի հակադարձէ:
Միւս կողմէ, Թրամփ յայտարարեց, որ Կազայի մէջ մարդասիրական աղէտին վերջ տալու ամէնէն արագ լուծումը պաղեստինեան Համաս շարժումի անձնատուութիւնն ու գերիներու ազատ արձակումն է: