Իրանի արտաքին գործոց նախարար Ապպաս Արաղչի նշեց. «Հիւլէական թղթածրարին շուրջ բանակցութիւններու ձեռնարկելէ առաջ Ամերիկան պէտք է մեզի փոխհատուցում կատարէ»: Ան այս մասին յայտնեց «Ֆայնենշըլ Թայմզ»-ի հետ զրոյցի ընթացքին:
«Պատերազմի (Իսրայէլի եւ Իրանի միջեւ, «Ա.») ընթացքին եւ անոր աւարտէն ետք ամերիկացի պատուիրակ Սթիւ Ուիթքոֆի հետ նամակներու փոխանակում կատարեցի», ըսաւ Արաղչի:
«Թեհրան պիտի չհամաձայնի Իսրայէլի հետ պատերազմէն ետք բնական կացութեան վերադառնալ», յայտնեց իրանեան դիւանագիտութեան պետը:
Ան նշեց, որ իր երկիրը տակաւին իւրանիոմի հարստացում կատարելու կարողութիւնը ունի:
«Կարելի չէ համաձայնութիւն գոյացնել, այնքան ատեն, որ Միացեալ Նահանգներու նախագահ Տանըլտ Թրամփ (իւրանիոմի) հարստացումը դադրեցնելու մեր համաձայնութիւնը կը պահանջէ», յայտարարեց Արաղչի: