«Կան փաստեր, որոնք աշխարհը ճանաչում է որպես ցեղասպանություն: Այն, ինչ փորձում է անել Իսրայելի վարչապետ Բենիամին Նեթանյահուն, ոչ այլ ինչ է, քան սեփական ցեղասպանությունը թաքցնելու փորձ»։
Այս մասին ուղիղ եթերում ասել է Թուրքիայի արտաքին գործերի նախարար Հաքան Ֆիդանը։
Թուրքական դիվանագիտության ղեկավարը նշել է, որ Իսրայելի «անձեռնմխելիության պատրանքը» վերացել է: «Պաղեստինյան հարցը և վերջին երկու տարիների ընթացքում Գազայում տեղի ունեցող ցեղասպանությունը վերք է ոչ միայն մեր ժողովրդի, այլև բոլոր մուսուլմանների համար, դա ամբողջ աշխարհի ցավն է», – ասել է Ֆիդանը։
Նախարարի խոսքով՝ Իսրայելը շատ ավելի հեռու է գնում 1967 թվականին հաստատված սահմաններից՝ ձգտելով էքսպանսիայի և օկուպացիայի: