Գրեթե նախընտրական ոգով է Փաշինյանը կառուցել իր ելույթը ԵԽԽՎ ամբիոնից: Արցախահայերի վերադարձի հավանականությունը խաղաղությանը սպառնացող վտանգ է անվանել Հայաստանի վարչապետն ու ելույթի առյուծի բաժինը նվիրել ժողովրդավարությանը:
Որպես աննախադեպ ժողովրդավարության ապացույց Փաշինյանը եվրոպացիներին է ներկայացրել ընդդիմության հաղթանակը ՏԻՄ ընտրություններում: Բայց չի ասել, թե ընդդիմադիր քանի համայնքապետ է ընտրական հաղթանակից հետո դատական քաշքշուկի մեջ ընկել ու զրկվել պաշտոնից: