Ի՞նչ կապ ունի Փաշինյանի փարիզյան այցը ՀՀ ընտրությունների հետ

by

https://arm.sputniknews.ru/20251101/2026-in-yndaraj-pashinjany-pvordzum-e-stanal-arevmutqi-ajakcutjuny-qaghaqaget-95316488.html

media@sputniknews.com

+74956456601

MIA „Rossiya Segodnya“

2025

Sputnik Արմենիա

media@sputniknews.com

+74956456601

MIA „Rossiya Segodnya“

Լուրեր

am_HY

Sputnik Արմենիա

media@sputniknews.com

+74956456601

MIA „Rossiya Segodnya“

https://cdn.am.sputniknews.ru/img/07e9/0a/1e/95274042_90:0:1511:1066_1920x0_80_0_0_0b329970e9959ca6271c852b0159a581.jpg

Sputnik Արմենիա

media@sputniknews.com

+74956456601

MIA „Rossiya Segodnya“

փաշինյան փարիզ ընտրություններ

փաշինյան փարիզ ընտրություններ

Բաժանորդագրվել

Արա Պողոսյանի դիտարկմամբ` իշխող քաղաքական թիմն արդեն ձևավորվել է այն նարատիվները, որոնցով տարվելու է 2026 թվականի քարոզարշավը։ Փաշինյանը ներկայանում է որպես խաղաղության ուժ` բոլոր մնացածին ներկայացնելով որպես պատերազմի ուժեր։

ԵՐԵՎԱՆ, 1 նոյեմբերի – Sputnik. Երկրի ներսում աջակցության նվազմանը զուգահեռ ՀՀ վարչապետ Նիկոլ Փաշինյանն ու նրա թիմը փորձում են աջակցություն և լոյալություն ստանալ արտաքին աշխարհում։ Sputnik Արմենիայի հետ զրույցում այս տեսակետը հայտնեց քաղաքագետ Արա Պողոսյանը` մեկնաբանելով Փաշինյանի փարիզյան այցի արդյունքները։
Փաշինյանը հոկտեմբերի 29-30–ին Ֆրանսիայում մասնակցել է Փարիզի խաղաղության 8-րդ համաժողովին, որի շրջանակում «Առաջնորդության խաչմերուկներում» խորագրով հարցուպատասխանի ձևաչափով քննարկմանը անդրադարձել է Հայաստանի և Ադրբեջանի միջև խաղաղության հաստատմանը, տարածաշրջանային իրավիճակին, հաղորդակցության ուղիների ապաշրջափակմանը: Խոսելով հաջորդ տարի նախանշված համապետական ընտրությունների մասին` Փաշինյանը նշել է, որ այդ քաղաքական իրադարձությունը կարևոր է խաղաղության գործընթացի և կայունության համար։

Արա Պողոսյանի դիտարկմամբ` իշխող քաղաքական թիմը` Փաշինյանի գլխավորությամբ, արդեն ձևավորվել է այն նարատիվները, որոնցով տարվելու է 2026 թվականի քարոզարշավը, և հիմա փորձ է անում ներքին քաղաքական ուղերձները ընկալելի դարձնել նաև արտաքին աշխարհի համար։

«Դա խաղաղություն և պատերազմ նարատիվների հակադրությունն է։ Փաշինյանը ներկայանում է որպես խաղաղության ուժ` բոլոր մնացածին ներկայացնելով որպես պատերազմի ուժեր։ Մյուս կողմից նա ներկայանում է որպես միակ պրոարևմտյան ուժ, որը խաղաղություն է բերում տարածաշրջան։ Մյուս բոլորին ներկայացնում է որպես պրոռուսական ուժեր` այսկերպ փորձելով աջակցություն ստանալ Արևմուտքից»,– ասաց քաղաքագետը։

Արևմուտքից ակնկալիքը, ըստ Պողոսյանի, արտահայտվում է ինչպես քաղաքական, դիվանագիտական աջակցության, այնպես էլ կոնկրետ ներդրումների տեսքով, որպեսզի ընտրական շրջանում կարողանա ժողովրդին ցույց տալ, որ իր վարած քաղաքականությունը արժանանում է Արևմուտքի հավանությանը։

Փարիզյան ֆորումի շրջանակում Նիկոլ Փաշինյանը հանդիպել էր նաև վիճահարույց ընտրությունների արդյունքում Մոլդովայի նախագահի պաշտոնում վերընտրված Մայա Սանդուի հետ։

Պողոսյանն այս հանդիպումը խորհրդանշական է համարում և ոչ պատահական` դիտարկելով ՀՀ–ում ընդդիմադիր քաղաքական ուժերին որպես պրոռուսական, ապակայունացնող և հակաժողովրդավարական բնորոշելու քաղաքականության համատեքստում։

«Նախկինում ևս միջազգային հարթակներից մեկում իր կողմից հնչել է արդեն հայտարարություն, որ Արևմուտքը պետք է աջակցի իր իշխանությանը` ՀՀ–ում հակաժողովրդավարական ուժերի նկատմամբ հաղթանակ տանելու գործում։ Ուստի այս հանդիպումը սիմվոլիկ է այն իմաստով, որ Փաշինյանը, իր բոլոր գլխավոր մրցակիցներին բնորոշելով որպես հակաժողովրդավարական ուժեր, որոնք կառավարվում են իբրև թե Ռուսաստանի կողմից, փորձում է լեգիտիմացնել ապագայում հնարավոր ճնշումները հիմնական մրցակից ուժերի դեմ»,– ընդգծեց քաղաքագետը։

Հիշեցնենք, որ ՀՀ–ում հերթական խորհրդարանական ընտրությունները կկայանան 2026 թվականի հունիսին։

2026–ի ընտրություններին մասնակցելու վերաբերյալ արդեն հայտարարություն են արել ՀՀ 2–րդ նախագահ Ռոբերտ Քոչարյանը, ՀՀ նախկին ՄԻՊ Արման Թաթոյանը` իր նորաստեղծ «Միասնության թևեր» նախաձեռնությամբ, ինչպես նաև «Մեր ձևով» շարժումը, որի գաղափարական առաջնորդը գործարար, բարերար Սամվել Կարապետյանը, որը կալանքի տակ է հունիսի 18–ից։

Leave a Comment