ԱՄՆ նախագահ Դոնալդ Թրամփը հայտարարել է, որ դեռևս սպասում է Ռուսաստանի նախագահ Վլադիմիր Պուտինի և Վլադիմիր Զելենսկիի միջև հանդիպմանը։ Նա այս դիրքորոշումը ներկայացրել է ԱՄՆ զինված ուժերի ավագ հրամանատարական կազմի առջև ունեցած ելույթում։
«Մենք ունենք մեկ հակամարտություն, որը պետք է լուծենք, և մենք պետք է այն լուծենք նախագահ Պուտինի և Զելենսկիի հետ։ Մենք պետք է նրանց միավորենք և ավարտենք պատերազմը», – ասել է Թրամփը ամերիկացի գեներալների հետ հանդիպման ժամանակ, որը կազմակերպել էր ԱՄՆ ռազմական նախարար Փիթ Հեգսեթը։
Միջոցառումը տեղի է ունեցել Վիրջինիա նահանգի Քուանտիկո քաղաքում գտնվող ԱՄՆ ծովային հետևակի կորպուսի բազայում: Թրամփը կարծում է, որ ուկրաինական ճգնաժամը կարող է լուծվել միայն «ուժի միջոցով»:
Ավելի վաղ, Չինաստան կատարած այցից հետո տեղի ունեցած մամուլի ասուլիսում Պուտինը հայտարարել էր, որ պատրաստ է Զելենսկիին հրավիրել Մոսկվա, եթե նա պատրաստ լինի հանդիպման: Սակայն, Կիևի ռեժիմի առաջնորդը մերժել է այդ առաջարկը Ֆրանսիայի նախագահ Էմանուել Մակրոնի հետ մամուլի ասուլիսի ժամանակ: